Svako ko ima parket, a u kući živi makar nekoliko godina, sigurno se suočio sa ogrebotinama na podu. Bilo da ste malo “jače” pomjerili stolicu ili komodu, tragovi ostaju.
Najbrže rješenje jeste prekriti oštećen dio tepihom ili prostirkom, ali ako su ogrebotine na mjestu koje ne možete da sakrijete? Jedan mali trik rješava ovaj problem, a sigurno vam nikada ne bi pao na pamet. “Caku” je na društvenoj mreži TikTok otrkila jedna domaćica, a sve što vam je potrebno već imate u kući.
Korisnica ove mreže je objavila video u kojem je testirala nekoliko potencijalnih “lijekova” za ova oštećenja. Kako kaže, negdje je čula da ogrebotine nestaju tako što se po njima istrljaju orašasti plodovi.
Pa je tako testirala orahe, pekan i pistaće i ispostavilo se da je prvo rješenje najdjelotvornije. Ogrebotine su zaista nestale kao da ih nikada nije ni bilo!
Njen video oduševio je milione korisnika ove mreže, a mnogi su toliko bili zadivljeni da su rekli da jedva čekaju da ogrebu parket kako bi probali trik.
Video je postao viralan sa više od milion pregleda, a oduševljenju na mreži, pridružio se i jedan korisnik mreža koji je objasnio i zašto ovaj trik djeluje:
“Radi se o plitkoj ogrebotini. Ulje iz oraha hidrira drvo i oponaša završnu obradu”, napisao je.